أنا ما عندى غير الآه ،، تبِّيها ،، أنا أتعذَر
لَ تسألني علام أرفض!! أفارق آهي ما أقدر
تبي تعرف كثر كم أعشق الآهات و الآلام
أسيل دمعتي وأشرب دمع عيني وأقول ،، أكثر
تبي تسمع صدى صوتي إذا ما صحت يا ظلاَم
تعال إسمع همس قلبي ،، يقول ،، مسامح وأغفر
يقولون الصمت غربة،،
وأنا أقول: الغريب ينام،،
إذا مل السكوت وصارت أحلامه بدرب تعثر
ترى كلما يمر الوقت ،، أصبر ،، الصبر جدّام
ترى كلما يمرّ الوقت أصبر ،، صبري ما قصّر
تحملني،، وشاركني تعب وقتي ،، وعنا الأيام
ولا عمره سفه فيني ولا تضايق ،، ولا تكدّر
وأنا عايش ،، وهو عايش ،، تمر أعوااام تلو أعوام
كبرت وهم كبر صبري،، مع العيش ،، ومع السكّر
وصرنا اليوم يا يومي
نعيد السالفة وننام،، وتعب حتى الصبر مني ،، وتعبت أتحمل المرمر
أناظر في عيون الخلق تنظر نظرة الحكّام
وكلما قالوا فحقي حرام ،، أقول ،، يا أخي تؤجر
سمعت ،، من الألم وفداخلي آلام ما تلتام
ترى بعد الصبر يا صاحبي تشكر!!
كثر ما قلت ما أقدر ،،
يعوضك الإله إلهام
يعوضك الإله إلهام
ويبني بداخلك أسوار صبر صعب تتفسر
عسى ربي ينولك المراد تحقق الأحلام
وتلقى في يدك في يوم يدّ الي تحب وتسر ..
१७ -१२ 2008